,,Me prezencë enigmatike dhe mimikë mbresëlënëse, Philipp Bow ka krijuar një vepër tejet origjinale të shoqëruar me një kolonë zanore hipnotizuese’’.

Përderisa po hetonte një vrasje, një detektiv tërhiqet fort nga thellësitë e kujtimeve të tij, që si duket e dërgojnë atë thellë në mendjen e vrasësit. Midis figurave të frymëzuara nga Rene Magritte dhe David Lynch, „Kujtimet e natës - Memoire de la Nuit’’ mjegullon kufinjtë mes teatrit dhe magjisë. Shohim gjësende që mbijnë papritmas, që çojnë jetë më vete dhe një komodinë misterioze që zbulon sekrete të ruajtura për një kohë të gjatë. Një përrallë krimi që dallohet nga përvoja ngjethëse e sureales.